Header Banner
అబ్బాయిలూ జాగ్రత్త! మీ గర్ల్‌ఫ్రెండ్‌కు కాస్త టైమ్ ఇవ్వండి! లేదంటే నష్టం మీకే!
Mon Feb 17, 2025 09:00 Technology
తొలిసారి మిమ్మల్ని చూసింది మొదలు.. ఇదిగో ఇలాగే మొదలౌతుంది ప్రతీ లవ్ స్టోరీ. గుండెల్లో గంటలు మోగకపోయినా.. నచ్చిన చిన్నది లేదా చిన్నోడు కనపించగానే కాస్త సన్నగానైనా మదిలో వీణలు మోగుతుంటాయి. గుండె వేగంగా కొట్టుకోవడం కామన్. ఆ తర్వాత వాళ్ల కళ్లల్లో పడాలనే తాపత్రాయం.. వారి దృష్టిని ఆకర్షించాలనే ప్రయత్నం.. అలా చూపులు కలిసిన శుభవేళ.. రెండు గుండెలు ఒక్కటే ప్రేమగీతం పాడుతుంటాయి. కొన్ని రోజులు బాగానే గడుస్తాయి. ప్రియా నిను చూడలేక అంటూ నిరంతరం వారి ధ్యాసే, ప్రతీ క్షణం వారి ఊహే, ఊహలు గుసగుసలాడే అంటూ మెసేజ్‌లు, వాట్సాప్ కాల్స్.. ప్రేమ యాత్రలకు బృందావనమూ, నందనవనమూ ఏలోనో అంటూ పార్కులు, పబ్బుల చుట్టూ షికార్లు.. ఆ తర్వాత మొదలౌతుంది అసలు సంగతి.
అతగాడికేమో.. ఉద్యోగం చేస్తుంటే పని ఒత్తిడి, జాబ్ లేకుంటే ఉద్యోగం సంపాదించాలనే టెన్షన్.. అటు అమ్మాయి సంగతీ అలాగే ఉంటుందనుకోండి. అయితే నచ్చిన వాడితో కాసేపు మనసు విప్పి మాట్లాడుకోవాలని, ప్రేమ మొదలైన రోజుల్లో మాదిరిగా చాటింగ్, ఫోన్ కాల్స్ చేయాలనే ఆశ. ఇక్కడ చూస్తే ఫుల్ బిజీ షెడ్యూల్, గతంలో మాదిరిగా సమయం కుదరకపోవచ్చు. ఇలాంటి సమస్యలు రిలేషన్‌షిప్, ప్రేమ.. పేరేదైనా సర్వసాధారణం. తమ రోజువారీ జీవితంలో ఏం జరిగిందనేదీ ప్రతిదీ తమ బాయ్ ఫ్రెండ్‌తో చెప్పుకోవాలని, కష్టసుఖాలు పంచుకోవాలని అనుకుంటారు అమ్మాయిలు. కానీ తమ బాయ్ ఫ్రెండ్ ఫోన్ లిఫ్ట్ చేయడం లేదని, మెసేజులకు త్వరగా స్పందించడం లేదని అసహనం వ్యక్తం చేస్తుంటారు. ప్రతీ ప్రేయసీ.. తన ప్రేమికుడిపై చేసే కంప్లైంట్స్ ఇవే.
ఇది కూడా చదవండి: డిప్యూటీ సీఎం పవన్ తో సీనియర్ నటుడు మర్యాదపూర్వక భేటీ! కారణం ఇదే!
అన్ని రకాల వార్తల కోసం ఇక్కడ క్లిక్ చేయండి
అయితే ఈ సమస్యలకు సాంకేతికత సాయంతో చెక్ పెట్టే ప్రయత్నం చైనాలో జరుగుతోంది. ఆర్టిఫిషియల్ ఇంటెలిజెన్స్ సాయంతో పనిచేసే ఏఐ బాయ్ ఫ్రెండ్స్ ఇప్పుడు చైనాలో నయా ట్రెండ్. అక్కడ ఇప్పుడు డేటింగ్ సిమ్యులేషన్ గేమ్‌కు ఆదరణ పెరుగుతోంది. అలాగే ఈ ఏఐ బాయ్ ఫ్రెండ్స్‌ను సృష్టించిన వ్యాపారవేత్త ఏకంగా బిలియనీర్ అయ్యారు. ఫోర్బ్స్ కథనం ప్రకారం.. డేటింగ్ సిమ్యులేషన్ గేమ్.. లవ్ అండ్ స్పేస్‌‌కు ప్రతి నెలా 60 లక్షల మంది యాక్టివ్ ప్లేయర్లు ఉన్నారు. షాంఘైకు చెందిన పేపర్ గేమ్స్ సంస్థ 2024 జనవరిలో ఈ లవ్ అండ్ స్పేస్ డేటింగ్ సిమ్యులేషన్ గేమ్ లాంఛ్ చేసింది. ఈ గేమ్.. ఏఐ సాయంతో పనిచేస్తుంది. అలాగే ఐదు రకాల మగ గొంతులతో దీనిని రూపొందించారు. ఒక అమ్మాయి తన బాయ్ ఫ్రెండ్ ఎలా ఉండాలని కోరుకుంటుందో.. అలాంటి బాయ్ ఫ్రెండ్‌ను ఇందులో సృష్టించారు.
ఆర్టిఫిషియల్ ఇంటెలిజెన్స్ ఆధారంగా పనిచేసే ఈ వర్చువల్ బాయ్ ఫ్రెండ్.. అమ్మాయిలు లేదా యూజర్ల సందేశాలకు త్వరగా స్పందిస్తాడు. అలాగే వారి ఫోన్ కాల్స్‌కు వెంటనే సమాధానమిస్తూ, వారికి నచ్చినట్లు ఎంత సేపైనా ఓపికగా వింటూ, మాట్లాడుతూ ఉంటాడు. ఈ డేటింగ్ సిమ్యులేషన్ యాప్ ఇప్పుడు చైనా యువతులకు విపరీతంగా నచ్చేసింది. దీంతో పేపర్ గేమ్స్ సృష్టికర్త యావో రున్హావో బిలియనీర్ అయినట్లు ఫోర్స్ తెలిపింది. యావో సంపద భారతీయ కరెన్సీ ప్రకారం 130 కోట్లకు చేరినట్లు తెలిపింది. అలాగే కంపెనీలోనూ మెజారిటీ వాటా యావో పేరిట ఉంది. ఈ స్మార్ట్ ఫోన్ గేమ్ ప్రస్తుతం చైనీస్, ఇంగ్లీష్, జపనీస్, కొరియన్ భాషలలో అందుబాటులో ఉంది. బాయ్ ఫ్రెండ్‌లకు ప్రత్యామ్నాయంగా ఉన్న లవ్ అండ్ స్పేస్ డేటింగ్ సిమ్యులేషన్ గేమ్ చైనా యువతులకు విపరీతంగా నచ్చుతున్న నేపథ్యంలో.. ఇది మన దాకా రాకముందే అబ్బాయిలూ మీ గర్ల్ ఫ్రెండ్‌ను కాస్త పట్టించుకోండి.. ఆమే చెప్పేది కాస్త ఓపికగా వింటూ, నచ్చినట్లు ఉండండి అంటున్నారు ఈ వార్త తెలిసిన నెటిజనం.
మీకు ఈ న్యూస్ కూడా నచ్చవచ్చు:
మోదీ - ట్రంప్ సమావేశమైన కొన్ని రోజులకే భారత్‌కు భారీ షాక్! మరికొన్ని దేశాలకు కూడా..
ఏపీ వాసులకు గుడ్ న్యూస్.. మరో 8 నెల‌ల్లో.. ఎమ్మెల్యే బాలకృష్ణ కీలక ప్రకటన!
జగన్ చాప్టర్ క్లోజ్.. అలా ఎవరైనా వాగితే.. బుద్దా వెంకన్న సంచలన వ్యాఖ్యలు!
తమన్ కు బాలయ్య అదిరిపోయే గిఫ్ట్! టాలెంట్‌ను అభినందించడంలో ఆయన స్టైలే వేరు!
పాలిటెక్నిక్ రంగంలో అద్భుతమైన అవకాశాలు! నిపుణులు ఏం చెప్తున్నారంటే!
టోల్ ప్లాజా కొత్త నిబంధనలు.. కారులో వెళ్తున్నారా.? ఈ తప్పు చేస్తే డబుల్‌ టోల్ చెల్లించాల్సిందే.!
జగన్ హయాంలో టీడీపీ ఎమ్మెల్యేపై అక్రమ కేసు నమోదు! కారణం ఇదే! వైసీపీ నేతల గుట్టురట్టు!
వైసీపీకి మరో బిగ్ షాక్..! టీడీపీ ఎమ్మెల్యేపై దాడి కేసులో కీలక నేతపై ఎఫ్‌ఐఆర్!
ఆంధ్ర ప్రవాసి గ్రూప్ లో జాయిన్ అవ్వండి:
#AndhraPravasi #Technology #Boyfriend #AI #AIBoyfriend #China
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.